കോമ്പ്രമൈസ്

മുപ്പത്തി രണ്ടു രൂപയ്ക്കു

പന്ത്രണ്ടുകവിതകള്‍
മുതലാവില്ല മാഷേ
അത് എത്ര വലുത് ആണങ്കിലും
തൂക്കത്തിന്റെ കാര്യം അവിടെ നില്‍ക്കട്ടെ
വണ്ണത്തിന്റെയും.

മുപ്പത്തി രണ്ടു രൂപയ്ക്കു
ഒരു ഊണ് തരാവോ
ഒരു അടി വസ്ത്രം കിട്ടോ
നല്ലൊരു സിനിമ കാണാന്‍ പറ്റോ

എന്നിട്ടും
ഒരു കവിത കൂടി ഞാന്‍ വെക്കുന്നു
നിന്നോടുള്ള അടുപ്പം കൊണ്ട് മാത്രം

എല്ലാവര്ക്കും
എല്ലായിപ്പോഴും
ഇതുപോലെ തരാനാവില്ല
ഒരു കോമ്പ്രമൈസിന് ഞാന്‍ റെഡി
മുതലായിട്ടല്ല
നീ നമ്മുടെ സ്ഥിരം കസ്ടമര്‍ അല്ലേ