ചുവപ്പ്

 

 

ചെത്തിക്കും,ചെമ്പരത്തിക്കുമിനി 

പുതിയനിറം സ്വീകരിക്കാം

ചുവപ്പൊരു കമ്പനി പാട്ടെന്റെടുത്തു

പണ്ടേ ചുവപ്പിന്‍ തിരയിളക്കം

അവരെ ഭയപ്പെടുത്തിയിരുന്നു

ഇപ്പോള്‍

നല്ല നാവുകള്‍ വിലക്കെടുക്കുന്നുണ്ട്.

നീ നിശബ്ദനാവുക 

മഹാ സൌഭാഗ്യങ്ങള്‍ നിന്നെ കാത്തിരിക്കുന്നു.

 കേരളത്തിന്‍റെ തക്കാളിക്കും

ബംഗാള്‍ മുളകിനും

തണ്ണിമത്തന്‍റെ രുചിയാണത്രെ

ഗുജറാത്തിലെ ഇറച്ചിവെട്ടുക്കാര്‍ പറയുന്നതും

ദില്ലിയിലെ ദല്ലാളന്മാര്‍ സാക്ഷ്യപ്പെടുതുന്നതും

പച്ച കുത്തിയ ഫാഷിസത്തെ കുറിച്ചാണ്.

നാവും ചുവപ്പും നഷ്ടപ്പെടുത്തുന്നകാലം.

ഒരു ചെങ്കൊടിയുടെ 

ചൂടും ചൂരും തണലുമിനിഎങ്ങിനെ 

ചുവന്ന സ്വപ്‌നങ്ങള്‍ കരിഞ്ഞിട്ടില്ലല്ലോ 

ചോരയോട്ടം നിലച്ചിട്ടില്ലല്ലോ.